JUST ME AND ME AGAIN

Saturday, February 5, 2011

C.I.N.T.O den besopai





DEN TORINGAT MAK WO DEN DULU...
ADOLAH CERITO EH...
DEN NGORAT,SIKIT PUN DIO TAK MALU...
NAK KATOKAN LAWA,BOLEHLAH JUGAK...
DARIPADO TAKDO,BOLEH YO BUEK OMPANG SUNGAI.


KELUARGO DIO,TAKLAH BEBERAPO NAK BERADO...
AYAH MOTONG GOTAH,OMAK PULAK SURI RUMAH SEPONOH MASO...
ABANG PENGANGGUR,AKAK PULAK TAK LAKU2 LAE...
DEN SANGKUT KEK DIO NI PUN TAK TAU SOBAB APO.


DEN KOJO GOMEN,DIO KOJO KILANG...
DEN GAJI BULAN,DIO PUN GAJI BULAN...
GAJI DIO SAMPAI CUKUP BULAN,GAJI DEN CUKUP2 MAKAN YO...
NAK BUEK CAM MANO,DEN KORBANKAN APO SAJO.


TIAP UJUNG MINGGU,DIO AJAK NENGOK WAYANG...
TAK KIRO CERITO APO,SEMUO DIO BALUN...
DARI KATON SAMPAI KO HANTU...
KALAU MIS,SIAP LA,GULING2 DOPAN PANGGUNG.


MUKO DAH LAH TAK LAWA,PORANGAI LAK BURUK...
JUMPO KODAI MAKAN,PANTANG KALAU TAK SINGGAH...
DAPEK MAKAN,PUNYOLAH KELAHAP...
TOLAK BATU,KAYU DAN BOSI YO,LAIN2 SUMO DIO BELASAH.


KALAU SHOPING,HOBI KATONYO...
SEMUO BARANG DIO NAK BORONG,LANTAK DIO LAH...
YANG JADI MASAALAH,CUMO SATU NI AJO...
TIME NAK BAYAR,PUNYO LAH BERKIRO...
DUIT DIO,DUIT DIO...DUIT DEN PUN DUIT DIO JUGO.


DULU DEN NAIK BASIKA,TAK PONAH DIO AMBIK KESAH...
KATONYO CINTO,TAK PANDANG HARTO BONDO...
LA NI,LAIN LAK CERITO...
HARI2 DOSAK DEN BOLI KERETO.


PENDEK CERITO,KELUARGO DIO DOSAK NIKAH...
DEN TEKOJOT,PUNYOLAH NGELABAH...
DUIT DALAM BANK,TAK PONAH NAK CUKUP...
KALAU MACAM NI,LOBIH BAIK DEN MELINGKUP.


LAGI LAMO DEN TUNGGU,LAGI PARAH JIWO DEN...
SETAKAT HILANG DIO,TAK DO APO DEN NAK HERANKAN...
DARIPADO HIDUP DEN TERTOKAN...
DIO PUN DEN LOPEHKAN.


CINTO DEN PUN BESOPAI,PASAI DEN KAKI POKAI...
DAN DIO PUN CABUT,POI SEGAMBUT.


MEMANG SORIK RASO EH BECINTO DONGAN DIO...
SEKARANG NI,BARU LAH DEN SONANG DUDUK...
OTAK DEN PUN TAK BESERABUT...
POKET DEN PUN TAK MENGOCUT.


LA NI,DEN HIDUP SESORANG BALIK...
ESOK,LUSO BOLOM TAHU LAE...
KOK2 ADO YANG MENYORAH DIRI...
RASO2 EH,MAUN DEN BECINTO LAE.


APO NAK DIKATO,DEN NI BUJANG...
KALAU TAK CARI SEKARANG,BERKARAT LAH DEN SAMPAI KO TUO...
NIAT DIHATI,KALAU DAPEK NAK YANG BERADO...
LOBIH PONTING LAE,BIA LAH BERAGAMO...
SIUMAN TAK SIUMAN,BELAKANG KIRO....